ربنا يخلينا الثورة

اولا انا بهنى كل طلابى وحتى المش كانوا طلابى بالنجاح والتفوق , مش عارف ابدأ منين عارفين لما الواحد يبقى محتارين بين احساسين الفرحه والدهشة مع بعض من وقت اعلان النتيجه وكان اول رقم سمعته 96% لواحد من طلابى وهو عقيل محمد جعيصه استغربت وقلت ما شاء الله شىء مبشر جدا رغم انى أكتشفت بعد كده ان السنه دى 96 % مش تفوق وانه شىء عادى وبعد كده بدأت تنهال عليه ارقام خياليه بقات اسمع 99% وكأنى بسمع 89% شىء مستحيل ان يحدث فى العمر الى مره واحدع نظرا للظرف العشناه من احداث للثورة وأفتكرت المثل البيقول ان أتتك ريحك بغتنمها وفعلا عدد كبير من الطلبة عملوا كده , نهاية القول انا بجد فرحان جدا للجميع وربنا يوفقهم كلهم ويعينه على انهم يكملوا للسنه الجيه وأما طلبة سنه تالته ربنا يكرمهم بالكليات الكانوا بيحلموا بيها , بس عايز اهمس فى اذن طلبة سنة تانيه وأفكرهم ان ربنا ادالهم أكتر كمان من تعبهم وانه اتعامل معاهم من منطلق كرمه بس عدلة سبحانه وأتمنى انا درجات السنه دى تكون دافع ليهم انهم يكملوا ويحققوا احلامهم وبحظرهم جميعا من التراخى والدلع وبفكرهم ان الحصل السنه دى مش هيتكرر تانى وهيتكتب عندنا فى كتب التاريخ بعنوان (( حدث فى العمر مره )) واليكم بقى قائمة بطلابى البفتخر انى فى يوم وقفت ادرس لهم :
1- محمد ربيع : 99.5% ( قربنا اوى يا محمد وانت عارف قصدى طبعا )
2- أمانى : 99% ( أحسن حاجه فيها ان محدش بيحس بيها يعنى على رأيى المثل البيقول دعونا نعمل فى صمت )
3- محمد عسكر 98.8 % (( متفجأتش على فكره )) بعد كل الدرجات الشوفتها كان يستحق يجيب اكتر
4- شيماء غريب 98.3 %: (( كنت حاسس انها مركزه أوى )) الوحيدة القالت لى انى كنت استحق اجيب اكتر
5- رنا محمد عاشور 98% : (( لو توزيع الدرجات بالتعب كنت اديلها 100% ))
6- جيهان او جى جى 98% : (( عارف انها ممتازه بس بصراحه فجأتنى ))
7- رحمه السيد : 97% ( بردو من نفس مدرسة دعونا نعمل فى صمت ))
8- محمد ابو زيد 97% : (( أهو ده بقى كان قلقنى جدا وأعتقد أنه أكتر واحد مش مصدق وهو عارف انا قصدى ايه ))
9- محمد سامى 96.5 % : (( فرحة بالمجموع بس درجة التاريخ صدمتنى وبردو هو عارف ليه بس يارب يبقى يسمع كلامى بعد كده ))
10- عقيل 96% : من أكتر الطلبة الشوفتها بتتعب بجد كان يستاهل اكتر من كده بس عيبه انه خواف شوية لو كان اجرأ من كده كان جاب أكتر من كده .
[/size]دول الانا فاكرهم دلوقتى فوق ال95% اما بقى لو كنت كتبت قايمة بالفوق ال90 فأيدى هتوجعنا وبعتذر لجميع الطلبة المش كتبت اسمائهم والله دول الكنت فاكرهم مع انى عارف ان فى كتير جدا وبصراحه دول الكلمونى علشان كده عارف مجمعهم كويس .

مبقاش فاضل غير انى اقول حاجه واحده بس وهى ربنا يخلينا كل من شارك وصنع ثورة 25يناير أفتكر انه ليه فضل علينا كلنا .

,والله يا مستر سنه 3 ثانوي دول محظوظين اوي عشان وهم ف 2 ثانوي كان ف انفلونزا الخنازبير ونجحوهم وف 3 ثانوي الثورة وبرده اتقبلو اي اجابه يعني نجحم كلهم بمجميع واعبالنا احنا كمان

اولا الف الف شكر لحضرتك على الكلام الجميل ده
ثانيا سنه تالته متكرموش ولا حاجه السنه اللى فاتت كانت فحت بمعنى الكلمه والكل عارف والسنه دى ربنا كرمهم
ثالثا فعلا يا مستر السنه دى كانت فرصه كبيره ................والحمد لله كل اللى نعرفهم ربنا كرمهم ومع ذلك كان فى ناس تستحق اكتر من ذلك زى محضرتك قلت بس الحمد لله
رابعا مع ان فى ناس اتكرمت فى ناس برضه اتظلمت ............................بجد ربنا يكون ف ى عونهم وينولهم اللى يتمنوه
اخيرا الف شكر لحضرتك وبجد ده توفيق كبير من ربنا والحمد لله ليا ولكل الناس اللى ربنا كرمهم