الاخوان الاشرار وحكومتنا الابرار
انا شايف انه ده كان لازم يكون العنوان الحقيقى لمسلسل الجماعه قصة الأستاذ وحيد حامد , أكتر حاجه وقفت عندها بعد ما شوفت حلقتين من المسلسل وانا بطبيعتى مش غاوى مسلسلات , المسلسل ده شدنى جدا بدأت اطرح على نفسى بعد التساؤلات . معقوله الاخوان دول ناس اشرار اوى كده معقول حكومتنا بالجمال والحلاوه دى , بصراحه شىء مستفز جدا عمرى ما كنت من الاخوان او مقتنع بكل افكارهم لكن بصراحه الموضوع مبالغ فيه جدا مصورهم بصوره فى المسلسل بتفكرنى بنفسى الصوره الكانوا بيظهروا فيها ابو لهب وابو جهل فى الافلام بتاعة زمان يعنى المسلسل اسمه "الجماعه" وانا شايف المفروض كانوا يسموه " جماعة الكفار "
انا عايز استعرض بعد المشاهد الاستوقفتنى جدا زيى مثلا طريقة التحقيق معاهم وكأنى شايف مشهد بين شيطان وملاك طبعا بيعلب شخصية الملاك ضابط أمن الدوله مع الشيطان الوقح من جماعة الاخوان , الضابط بيتكلم بمنتهى الهدوء مع الطالب وبيجيب له شاى فى الوقت الكل ردور الطالب من الاخوان جامده وبطريقه غير مؤدبه .
ومشهد طبعا اكيد علم مع الناس كلها لما الشرير صاحب السوبر ماركت راح يتكلم مع المسؤل عن قسم الجبنه والالبان وبيقوله رجع الجبنه الدنماركى تانى خلاص الموضوع هدى وارفع سعر الجبنه التانيه علشان الناس تضطر انها تشترى من الجبنه الدنماركى .
وكمان بقى كل المشاهد البيظهر فيها الشيطان الاكبر المرشد العام لجماعة الاخوان المسلمين بأسلوب كلامه البمبنى على اسلوب الغايه تبرر الوسيله وكأن هرتزل كاتب برتوكولات صهيون هو الذى يتحدث حول اقامة وطن قومى جديد للاخوان المسلمين .
مش عارف انا كده اتسرعت فى الحكم على المسلسل وانه مجرد حرب جديده على الاخوان ومش عارف انتبنى شعور والله اول مره احس بيه انا عايز اقرب من الناس دول واعرفهم اكتر لانى متأكد انهم مش ممكن يكونوا بالبشاعه دى وكمان انا ضامن لو حصل اى مشكله مع الحكومه اكيد مفيش مشكله د الناس بيعملوهم احسن معامله وبيجيبوا لهم شاى صحيح انا مبحبش الشاى بس اكيد البيخليهم يجيبوا شاى ممكن يجيبوا لى انا بيبسى , بصراحه الموضوع ده استفزنى جدا بس انا أتعودت انى مش اتسرع فى اصدار الاحكام جايز على اخر المسلسل العالم الكفره دول يسلموا فى الاخر ويبقوا حلوين .
الخميس مارس 28, 2013 7:09 pm من طرف هاله الرفاعي
